Ermənistanın Baş naziri Nikol Paşinyanın qardaşı oğlu Sipan Paşinyan 2019-2021-ci illərdə “Mənim addımım” fraksiyasından Milli Məclisin deputatı olub, ötən il Ukraynada şirkət yaradıb.
Bu barədə erməni KİV-ləri məlumat yayıb.
Bildirilir ki, 2022-ci ildə sentyabrın 13-də Narek Qazaryan və Sipan Paşinyanın “CherWood” MMC (“CherWood”) Çerkassı şəhərində dövlət qeydiyyatına alınıb. Sahiblər şirkətin 50-50 səhmlərini bölüşüblər. Şirkətin nizamnamə kapitalı 25 min Ukrayna qrivnasıdır.
“Çervud” adı təsadüfən seçilməyib. O, “Cherkasi” və ingiliscə “wood” sözlərindən ibarətdir, buradan şirkətin fəaliyyətinin ağac emalı ilə bağlı olduğunu güman etmək olar. Və belədir. Ukrayna reyestrinin məlumatına görə, Paşinyan və Qazaryanın şirkətinin əsas fəaliyyəti təbii ağacın mişarlanması və zımparalanması (belə məhsulların buraxılması), digər fəaliyyət növləri faner və panellərin istehsalı, tikinti taxta konstruksiyalarının istehsalı və dülgərlikdir.
