Pakistanın ədliyyə və hüquq naziri Əzəm Nazir Tarar tutduğu vəzifədən istefa verdiyini açıqlayıb.
Xarici KİV xəbər verir ki, Tarar şəxsi səbəblərdən vəzifəsini davam etdirə bilməyəcəyini və bu səbəbdən istefa verdiyini "Twitter" hesabında bildirib.
Qeyd edək ki, Baş nazir Şahbaz Şərif ailəsinə yaxın olan Tarar, İmran Xanın rəhbərlik etdiyi Pakistan Ədalət Hərəkatı Partiyası (PTI) hökuməti dövründə Şərif ailəsinin köməyi ilə gündəmə gəlib.
