Ukrayna Prezidenti Volodimir Zelenski Ali Baş Komandanın Qərargahının iclasını keçirib.
Bu barədə Ukrayna liderinin "Telegram" kanalında yazılıb.
İclasda ölkədəki enerji vəziyyəti ilə bağlı məsələlər müzakirə edilib.
"Ali Baş Komandanın Qərargahının növbəti iclası keçirilib. Cəbhə xəttindəki hazırkı vəziyyətlə bağlı əməliyyat rayonlarının qoşun hissələri komandirlərinin məruzələrini dinlədik, düşmənin yaxın gələcəkdə ehtimal olunan hərəkətlərini nəzərdən keçirdik. Bundan əlavə, biz zədələnmiş enerji obyektlərinin bərpası prosesini müzakirə etdik", - Zelenski bildirib.
