Yanvarın 3-ü Neftçalada məktəbli qız qəflətən dünyasını dəyişib.
"Qafqazinfo" xəbər verir ki, Neftçala şəhər Elton Həbibov adına 4 saylı tam orta məktəbin VIII sinif şagirdi Hüseynova Nərgiz Oqtay qızı qəfil vəfat edib.
Belə ki, ana işdən evə qayıdanda 14 yaşlı övladının dünyasını dəyişdiyini görüb.
Məlumata görə, N. Hüseynova bir neçə il əvvəl beyin əməliyyatı keçirib. Hadisə baş verən gün o, evdə tək olarkən gözlənilmədən təzyiqi qalxıb və həyatını itirib.
