Argentinada futbol azarkeşi Argentina-Xorvatiya oyununa gecikməmək üçün sərnişinlərlə dolu avtobusu qaçırıb.
“Oddity Central” xəbər verir ki, oyunun başlamasına dəqiqələr qaldığını və pik saatlarda evə gecikə biləcəyini anlayan argentinalı çarəsiz addım atıb.
Hadisə dekabrın 13-də Santa Maria şəhərində baş verib. Avtobus sürücüsü mağazaya daxil olarkən 53 yaşlı kişi onun yerinə oturub və avtobusu evinə doğru sürüb.
Mənzilbaşına çatan şəxsi polis yerindəcə zərərsizləşdirib və o, təkcə komandanın oyununun başlanğıcını yox, bütün çempionatı qaçırıb.
