Belarus və Rusiya prezidentləri Aleksandr Lukaşenko və Vladimir Putin bazar ertəsi, dekabrın 19-da Minskdə keçiriləcək görüşdə ikitərəfli münasibətlərə dair məsələləri və beynəlxalq məsələləri müzakirə edəcəklər.
Bu barədə bu gün Kremlin sözçüsü Dmitri Peskov bildirib.
“İkitərəfli münasibətlərimizin bütün palitrasına, ticarətə, iqtisadiyyata və inteqrasiya mövzusuna istinad olacağı təbiidir. Və təbii ki, bir çox regional və beynəlxalq məsələlər, o cümlədən ölkələrimiz ətrafında yaranan və sürətlə inkişaf edən məsələlər müzakirə olunacaq”, - Peskov bildirib.
Bu gün səhər saatlarında Kremlin mətbuat xidməti prezident Putinin bazar ertəsi Minskə səfər edəcəyini və burada Lukaşenko ilə danışıqlar aparacağını bildirib.
