FIFA Qətərdə keçirilən dünya çempionatının finalında Ukrayna Prezidenti Volodimir Zelenskinin sülhlə bağlı videomüraciətini yayımlamaqdan imtina edib.
Bu barədə məlumatı öz mənbələrinə istinadən “CNN” yayıb.
Məlumata görə, Zelenskinin Ofisi FIFA-ya müraciət edərək dekabrın 18-i keçiriləcək finaldan əvvəl stadionda Zelenskinin çıxışının yayımlanmasını təklif edib. Federasiyanın isə bundan imtina etməsi Ukrayna Prezidentinin Ofisini təəccübləndirib.
Xatırladaq ki, dekabrın 18-i Argentina və Fransa milli komandaları dünya çempionatının final qarşılaşması baş tutacaq. Oyun Bakı vaxtı ilə 19:00-da başlayacaq.