Xəbər verdiyimiz kimi, bu gün Daşkəsən rayonunun Astaf kəndindəki meşədə Gədəbəy sakini Elfaq Abbasov atası tərəfindən ov tüfəngi ilə güllələnib.
Kürək nahiyyəsindən aldığı güllə yarası ilə xəstəxanaya yerləşdirilən Elfaq Abbasov qafqazinfo-ya açıqlama verib. O bildirib ki, hadisə ehtiyatsızlıqdan baş verib:
“Atamla mübahisəm düşməyib. Astaf kəndi meşəlik ərazidir. Orada mal saxlayırıq. Səs gəldi, elə bildik çaqqal-canavardır. Atam ov tüfəngi ilə atəş açanda təsadüfən mənə dəydi. Yəni ehtiyatsızlıqdan baş verib. İçkili də olmamışam”.
Məlumat üçün bildirək ki, Abbasovlar ailəsi əslən Gədəbəy rayonundandır. Onlar uzun müddətdir çobanlıqla məşğul olur. Yaralı 36 yaşlı Elfaq Abbasovun müalicəsi Gəncə şəhər Birləşmiş Təcili Yardım Xsətəxanasının cərahiyyə şöbəsində aparılır. Faktla bağlı hüquq mühafizə orqanı əməşdaşları tərəfindən araşdırma başlanılıb.
Qeyd edək ki, 1986-cı il təvəllüdlü Elfaq Abbasovu güllələməkdə şübhəli bilinən zərərçəkənin atası, 1963-cü il təvəllüdlü Qəşəm Abbasov saxlanılıb. Saxlanılan şəxs hadisəni sərxoş halda törətməsini etiraf edib.
Faktla bağlı araşdırmalar davam etdirilir.
