“Toppuş bacı” ləqəbilə tanınan Əməkdar artist Tünzalə Əliyeva müalicəsi üçün qalan pulu toplamaq istəyir.
Aktrisa izləyicilərinin köməkliyi ilə 15 min manat topladığını, lakin 20200 manat da dəstəyə ehtiyacı olduğunu bildirib.
“TikTok” hesabında canlı yayım açaraq köməklik istəyən T.Əliyeva izləyicilərinə səslənib:
“Müalicəm üçün 35200 manat lazımdır. Bu məbləğin 15 min manatını toplamışam. 20200 manata ehtiyacım var. Həkimlər mənə söylədilər ki, əməliyyatın olub-olmayacağı altı həftədən sonra bəlli olacaq. İki həftəni geridə qoymuşam. Qalıb 4 həftə - yəni tam bir ay. “MRT”nin nəticəsi əsasında beyində olan o bədxassəli şişlərin aqibəti bəlli olacaq”.
