Ukrayna Futbol Federasiyasının prezidenti çirkli pulların yuyulmasında ittiham olunur

access_time24-11-2022, 16:21 visibility4 categoryXəbərlər
Ukrayna Futbol Federasiyasının (UAF) prezidenti Andriy Pavelko dələduzluq və çirkli pulların yuyulmasında ittiham olunur.
 
Xarici medianın məlumatına görə, Ukrayna polisi çərşənbə axşamı Pavelkoya onun vəzifə səlahiyyətlərindən sui-istifadə və çirkli pulların yuyulması ittihamı ilə prokurorluğa çağırıldığına dair sənəd təqdim edib.
İttiham Birləşmiş Ərəb Əmirliklərində UAF-nin SDT-yə həddindən artıq ödəmələri ilə bağlı 4 illik istintaqın bir hissəsidir.
SDT Ukraynanın ilk süni ot örtüyü istehsalı müəssisəsinin yaradılması üçün UAF ilə işləyirdi. Pavelkonun bu şirkət vasitəsilə pulları yuduğu iddia edilib.
UAF-nin vəkili Denis Buqay, SDT-nin artıq ödənildiyini təsdiqləyərək, bu pulun sonradan UAF tərəfindən geri alındığını bildirib.
O, 2015-ci ildən UAF rəhbəri olan Pavelkoya qarşı ittihamların həqiqətə uyğun olmadığını müdafiə edib.
UAF-dan verilən açıqlamada, iddialarla bağlı əvvəlki araşdırmada Pavelkonun təqsirli olmadığı bəyan edilib.
 
Facebook'da Paylaş Telegram'da Paylaş Twitter'da Paylaş Whatsapp'da Paylaş