Dekabrda Rusiya Federasiyasına yumurta tədarük etməyə başlayan Azərbaycan yanvarın 11-dək artıq 1,5 milyon yumurta idxal edib.
Bu barədə “Rosselxoznadzor” məlumat yayıb.
Bu gün Yaraq-Kazmalyar keçid məntəqəsi (Dağıstan) vasitəsilə Azərbaycandan 306 min ədəd yumurtanın daha bir partiyası gətirilib.
Yanvarın əvvəlində Türkiyədən Rusiya Federasiyasına yumurta gətirilməyə başlayıb, ümumilikdə 633,6 min ədəd yumurta idxal edilib. Türkiyənin 21 müəssisəsi Rusiya Federasiyasına yumurta ixrac etmək hüququna malikdir.
Belarus da tədarükləri gücləndirib: yanvarın 1-dən yanvarın 9-dək keçən ilin eyni dövründəki 6,3 milyon yumurta ilə müqayisədə 11,7 milyon yumurta idxal edilib.
Nəticədə Kənd Təsərrüfatı Nazirliyi topdansatış bazarında yumurtanın qiymətində azalma qeydə alıb və bu tendensiyanın istehlakçı şəbəkəsinə də keçəcəyini gözləyir.
2024-cü il yanvarın 1-dən yumurtanın qiymətinin kəskin artması fonunda Rusiya Federasiyası onların idxalı üçün rüsumları altı ay müddətinə sıfıra endirib. Gözlənilir ki, bu tədbir 1,2 milyard yumurtanın idxalına imkan verəcək və qiymət vəziyyətini sabitləşdirəcək.
"Rosstat"ın məlumatına görə, 2023-cü ilin noyabr ayında Rusiya Federasiyasında yumurta 15,1%, ilin əvvəlindən 35,5%, illik ifadədə isə 40,3% bahalaşıb.
