Tərəvəz qida, vitamin və mikroelementlərin vacib mənbəyidir.
Bu barədə xarici mətbuat araşdırmaları xəbər verir.
Mütəxəssislər ən sağlam tərəvəzlər arasında pomidoru xüsusilə qeyd edir. Onların tərkibində çoxlu miqdarda C vitamini, kalium və antioksidanlar var, həmçinin likopenlə (antioksidləşdirici maddə) zəngindir.
Bu da hüceyrələri zədələnmədən qorumağa kömək edir və müxtəlif xəstəliklərin, o cümlədən xərçəngin inkişaf riskini azaldır.
Yerkökü orqanizmdə A vitamininə çevrilən karotinlə zəngindir. Görmə qabiliyyətini və immunitet sistemini gücləndirməyə kömək edir.
Bundan əlavə, tərəvəz xolesterol səviyyəsini azaltmağa kömək edir və qan damarlarının elastikliyini artırır.
Faydalı tərəvəzlər arasında kələm də xüsusilə qeyd olunur. C vitamini, kalium, kalsium və fol turşusu ilə zəngin olduğundan faydalıdır.
