Qusar rayonunun Avaran kəndi ərazisində avtobusun aşması nəticəsində 6 nəfər müxtəlif dərəcəli xəsarətlər alıb.
Xəsarət alanların rayon sakinləri - Liana Mikayılova, Lamunat Bədəlova, Milyanə Şıxzadayeva, Ruslan Əmiraslanov, Oksana Beydiyeva, Aysel Cavadova olduğu bildirilir.
***
16.13
Qusar rayonunun Avaran kəndi ərazisində yol-nəqliyyat hadisəsi baş verib.
İçərisində 15 sərnişin olan Qusar-Xürel kənd avtobusu yoldan çıxaraq dərəyə aşıb. Nəticədə xəsarət alan 6 nəfər Qusar Rayon Mərkəzi Xəstəxanasına yerləşdirilib.
Hadisə yerinə hüquq-mühafizə orqanlarının əməkdaşları cəlb olunub. İlkin ehtimala görə, qəza güclü duman səbəbindən baş verib.