Kanada hökuməti İranın onlarla yüksək vəzifəli rəsmisinin ölkəyə girişinin qarşısını alıb.
Bu barədə Kanadanın Sərhəd Xidmətləri Agentliyi məlumat yayıb. Agentlik bildirib ki, İran hökumətinin onlarla yüksək vəzifəli rəsmisinin ölkəyə girişinin qarşısı alınıb. Sözügedən qurum Kanadada yaşayan və İran hökuməti ilə əlaqəsi ola biləcək 141 şəxsin də işinə baxıldığını bildirib.
Məlumata görə, 10 nəfərin İranla əlaqələri səbəbindən Kanadada qalmaq üçün lazımi tələblərə cavab vermədiyi müəyyən edilib.
Qeyd edək ki, 141 nəfərdən 38-nin Kanadadan deportasiya edilməsi və ya Tehranla əməkdaşlıq etmələrinə dair şübhələrin aradan qaldırılması səbəbindən istintaq başladılıb.
