Rusiyanın İrkutsk vilayətində mütəşəkkil cinayətkar dəstənin lideri 35 yaşlı Miro Usuboviç Miroyan federal axtarışa verilib. Məlum olub ki, o və dəstəsinin üç üzvü yerli sakini qəddarlıqla döyüb, əlini maçete ilə kəsib, ayaqlarına isə bir neçə dəfə atəş açıb.
İstintaq Komitəsinin məlumatına görə, yerli sakin onlardan xilas ola bilib.
Hücumun səbəbləri açıqlanmayıb.
Qeyd edək ki, cinayətkar dəstənin iki üzvü artıq həbs edilib. Onlar “adam öldürməyə cəhd”də ittiham olunurlar. Miroyanın axtarışları davam edir.
