Rusiya ilə Ukrayna arasında müharibə davam etdikcə “rus elitasının” həyatı beynəlxalq aləmdə mübahisələr yaratmaqda davam edir.
ARusiya prezidenti Vladimir Putinin ən etibarlı adlarından biri olan, Kremlin mətbuat katibi Dmitri Peskovun qızı Yelizaveta Peskovanın həyatı gündəm mövzusuna çevrilib.

Peskovanın dəbdəbəli həyatı Rusiyaya qarşı tətbiq edilən sanksiyalara baxmayaraq, böyük əks-səda doğurub. 25 yaşlı qızın sakit və təvazökar həyat sürdüyünü deyilsə də, şəxsi İnstaqram hesabında onun davamlı olaraq təyyarələrlə səyahət etdiyi, şənliklərə qatıldığı görünür.

Yekaterina Solotsinskaya Dmitri Peskov ərindən boşandıqdan sonra uzun illər  qızı ilə birlikdə Parisdə yaşayıb.  Peskov qızı haqqında, "O, Parisdə çox çətin şəraitdə yaşayırdı. Amma indi onun karyerası var. O, bütün çətinliklərin öhdəsindən gəldi", - deyə şərh edib.
Peskovun bu açıqlamasından sonra rusiyalı müxalifətçi Aleksey Navalninin tərəfdarlarından olan Lyubov Sobol diqqətçəkən məlumat paylaşıb. 

Peskovanın şəxsi təyyarədə çəkdirdiyi fotosunu paylaşan Sobol, "Bunlar patoloji yalançı Peskov üçün çətin şərtlərdir" deyib. Bildirilir ki, 2016-cı ildən Parisin mərkəzində Viktor Hüqo meydanında ana və  qızın mülklərinin dəyəri 1,8 milyon avrodur. Mənzili Fransanın "Sirius" şirkəti alıb, 75 faiz Solotsinskaya, 25 faiz isə Peskovaya məxsusdur.

 ABŞ və Avropa İttifaqı ötən il Peskova, onun qardaşı və ögey anasına qarşı sanksiyalar tətbiq edib. ABŞ bildirib ki, üçlüyü “Peskovun dövlət qulluqçusu maaşı ilə uyğun gəlməyən dəbdəbəli həyat tərzi” var.
Bu ilin aprelində Peskova İnstaqramda beş il əvvəl Parisdən Moskvaya qayıtdığını, orada "işləyib çox qazandığını, müxtəlif layihələrdə iştirak etdiyini" yazmışdı.