İran İnqilab Keşikçiləri Ordusu İraqın şimalında İraq Kürd Regional Rəhbərliyinə bağlı İran Kürdüstan Demokratik Partiyasının binalarını raketlər və pilotsuz uçuş aparatları ilə hədəfə alıb.
Xarici medianın məlumatına görə, Ərbildə müxalif İran Kürdüstanı Demokratik Partiyasının binasını 2 raketlə vuran İran qısa müddətdə Süleymaniyyənin Ərbet rayonunda İranın kürd müxalifət partiyası Komala binasını PUA ilə bombalayıb.
Hadisə nəticəsində 1 nəfərin öldüyü, 8 nəfərin yaralandığı bildirilib.
Hücumdan qısa müddət sonra ABŞ-ın Ərbil konsulluğundan həyəcan siqnalı verilib.
