Çində bir qadının dələduzluğu dünya mediasının gündəmində olub.
Xarici KİV bildirir ki, Guan Yue üç il ərzində 16 fərqli şirkətlə “əməkdaşlıq edib”. Belə ki, o, illüziyaları ilə rəhbərliyi aldadıb və bu illər ərzində yüksək maaş alıb.
Məlumata görə, qadın işlədiyi şirkətlərdəki vəzifələrini yerinə yetirmək əvəzinə, müştərilərlə görüşdüyünü iddia etdiyi fotoşəkilləri müdiriyyətə göndərib. Beləliklə, o, 50 milyon yuan (təxminən 11 milyon 570 min manat) qazanıb villa almağı bacarıb.
Rəhbərlərdən biri Yuenin bütün qrupunu işdən çıxarıb. Buna səbəb isə həmin qrupun effektiv fəaliyyət göstərməməsi olub. Sonradan sənədlər üzərində işləyərkən qadının fırıldağı aşkar edilib.
Çin polisinin məlumatına görə, Çində ən azı 700-800 dələduz oxşar sxem üzrə işləyir.
