Kürü mövsümündə elektrik cərəyanı ilə balıq ovlayan şəxs saxlanılıb.
Daxili İşlər Nazirliyinin (DİN) Mətbuat Xidmətinin Gəncə regional qrupundan verilən məlumata görə, Su Nəqliyyatında Polis İdarəsinin Şəmkir Xətt polis məntəqəsinin əməkdaşlarının keçirdikləri tədbirlər nəticəsində Şəmkir Su Anbarının Bayramlı kəndi ərazisindəki hissəsində qeyri-qanuni balıq ovu ilə məşğul olan Eynur Yusifov saxlanılıb.
Yoxlama zamanı ondan bir ədəd rezin qayıq, iki ədəd avar, bir ədəd elektrik cərəyanını artıran cihaz, bir ədəd akkumulyator, bir ədəd “domça” adlandırılan balıqovlama vasitəsi, 30 ədəd şahmayı, üç ədəd dabanbalığı və digər əşyalar götürülərək su polisinin əməkdaşları tərəfindən protokollaşdırılıb.
Faktla bağlı araşdırmalar davam etdirilir.
