Zlatan İbrahimoviç futbol karyerasını başa vurduğunu açıqlayıb.
Bu barədə Z.İbrahimoviç İtaliya çempiionatının “Milan” – “Verona” oyunundan (3:1) sonra azarkeşlər üçün təşkil olunan vida mərasimində deyib.
"Futbolla vidalaşmağın vaxtıdır. Amma mən sizinlə vidalaşmıram, əziz azarkeşlər", - deyə o bildirib.
Zlatan İbrahimoviçin 41 yaşı var və 2020-ci ildən "Milan"da çıxış edir. Lakin o, zədə və diz əməliyyatı səbəbindən 2022/23 mövsümünün çox hissəsini buraxdı. Bu mövsüm Z.İbrahimoviç İtaliya çempionatında cəmi dörd oyuna çıxıb və bir qol vurub.
