Polşa Rusiya ilə sərhəddə səddin inşasına başlayıb.
“İnterfaks” xəbər verir ki, bu barədə məlumatı Polşanın müdafiə naziri Mariuş Blaşak açıqlayıb.
“Biz Polşanın Kalininqrad vilayəti ilə sərhədində təhlükəsizliyi gücləndiririk. Səddin tikintisi ilə bağlı işlər artıq başlayıb”, - deyə Blaşak qeyd edib.
Onun sözlərinə görə, sözügedən sədd müvəqqəti xarakter daşıyır və onun hündürlüyü 2,5 metr təşkil edəcək.
Blaşak qeyd edib ki, sərhəddə səddin inşa edilməsinə səbəb Rusiyanın Kalininqrad vilayətində hava limanının Yaxın Şərq və Şimali Afrikadan olan təyyarələr üçün açması barədə qərarı olub. O bildirib ki, bu, Polşaya miqrant axınının artması riskini yaradır.
