11:26
Rusiya ordusu bu gün səhər saatlarından etibarən Ukrayna ərazisini atəşə tutub.
“Strana” xəbər verir ki, paytaxt Kiyevdə və ölkənin bir neçə vilayətində partlayışlar baş verir.
Ümumilikdə paytaxda və Kiyev vilayətində 10-a yaxın partlayış qeydə alınıb. Kiyev şəhərinin bir çox hissələrində işıq və su verilişi dayandırılıb.
Şəhərin meri Vitaliy Kliçko paytaxtın vacib infrastruktur obyektlərinə zərbələr endirildiyini açıqlayıb.
15:15
Ukraynanın Baş naziri Denis Şmıqalın sözlərinə görə, bu gün səhər saatlarında Ukraynanın Rusiya tərəfindən atəşə tutulması nəticəsində ölkənin 7 bölgəsində 18 infrastruktur obyekti zədələnib.
Bildirilir ki, 100-ə yaxın yaşayış məntəqəsi işıqsız qalıb.