2023-cü ilin mart ayında İŞİD terror təşkilatının Azərbaycandan kənarda silahlı münaqişələrdə iştirak edən üzvlərindən Salayev Şahin Yadigar oğlunun məhkəmə prosesi keçirilib.
Şahin Salayevin barəsində Dövlət Təhlükəsizliyi Xidmətində aparılan cinayət işi bir sıra maraqlı məqamlara malikdir.
Belə ki, 2023-cü ildə Dövlət Təhlükəsizliyi Xidməti tərəfindən ələ keçirilərək Azərbaycana gətirilən, Suriya-İraq ərazisində 10 illik döyüş təcrübəsi olan Şahin Salayev 2016-cı ildə Suraxanı Rayon Məhkəməsinin qətnaməsi ilə xaricdəki silahlı münaqişələr zamanı ölmüş elan olunubmuş.
