Professor-müəllim heyətinin tədris işi üçün vaxt normasının müəyyənləşdirilmə mexanizmləri və əmək haqqları. Dünya təcrübəsi.
Almaniya
Vaxt norması
Elmi heyətin tədris öhdəlikləri fərqlidir. Tam ştat işləyən elmi heyətin tədris öhdəlikləri vahidlə (unit) ölçülür. (Lehrveranstaltungsstunden). Semestr ərzində mühazirələrin keçirildiyi dövr üçün hər vahid həftədə ən azı 45 dəqiqəhesablanır.
2003-cü ilin iyununda əyalətlərin Təhsil və Mədəniyyət İşləri Nazirlərinin Daimi Konfransının (Kultusministerkonferenz) qəbul etdiyi qətnaməyə əsasən, universitetlərdə və bərabər statuslu ali təhsil müəssisələrində müəllimlik öhdəlikləri aşağıdakılardır (hər həftə üçün):
• Professorlar üçün 8 vahid
• Karyerasının ilk mərhələsində olan kiçik professorlar üçün dörd vahid
• Karyerasının ikinci mərhələsində olan kiçik professorlar üçün 4-6 vahid
• Məhdud müddət ərzində dövlət qulluqçusu kimi çalışan elmi işçilər (wissenschaftliche Mitarbeiter) üçün ən çox dörd vahid
• Dövlət qulluqçusu kimi çalışan elmi işçilər üçün ən çoxu 8 vahid
• Tədris heyəti üçün xüsusi tapşırıqların yerinə yetirilməsinə ayrılan vaxt 12-16 vahid (Lehrkräfte für besondere Aufgaben)
Fachhochschulendə (mühəndislik, texnologiya, biznes, memarlıq, dizayn və sənaye dizaynı kimi bir çox tətbiqi elmlər və sənətlər üzrə peşəkar təhsil verən alman ali təhsil müəssisəsi) professorlar ümumilikdə həftədə 18 vahid tədris aparır.
Bundan əlavə, ayrı-ayrı müəllimlərin dərs saatlarının müvəqqəti azaldılması o halda mümkündür ki, bu müddət ərzində onların tədris öhdəlikləri digər müəllimlər tərəfindən yerinə yetirilsin.
Əmək haqqları
Ali təhsil müəssisələrində müəllimlərin əməyinin ödənilməsinə dair müddəalar Federasiyanın “Dövlət qulluqçularının əməyinin ödənilməsi haqqında” Qanununda (Bundesbesoldungsgesetz – BBesG), dövlət qulluqçularının əməyinin ödənilməsi aktlarında (Beamtenbesoldungsgesetze) və Əyalətlərin mükafatlar barədə(Leistungsbezügeverordnungen) qaydaları və ayrı-ayrı ali təhsil müəssisələrinin müvafiq qaydalarında verilmişdir.
Professorlar əsas əmək haqqı və əlavə fəaliyyətlə bağlı ödəniş alırlar. İki əmək haqqı qrupu W 2 və W 3 müvafiq Əyalətdəki bütün ali təhsil müəssisələrinin professorları üçün keçərlidir. Kiçik professor vəzifəsi 2002-ci ildə W 1 əmək haqqı qrupu ilə birlikdə tətbiq olunmuşdur.
Hər üç əmək haqqı qrupunda sabit əsas əmək haqqı vardır. Əmək haqqı, əsas əmək haqqı və əlavə ödənişdən ibarətdir. Əlavə ödəniş, həmçinin elmi-tədqiqat, tədris, incəsənət, davamlı təhsil və gələcək akademiklərin təşviqi sahəsində xüsusi fəaliyyətlərə görə, habelə institutun özünüidarəsində iştiraka görə (dəyişən əmək haqqı) verilə bilər. Professor vəzifələrinin W 2 və W 3 əmək haqqı qruplarına ayrılması Əyalətqanunvericiliyi ilə tənzimlənir.
https://eurydice.eacea.ec.europa.eu/national-education-systems/germany/conditions-service-academic-staff-working-higher-education
Kiçik professorlar (W1) ayda 4,600 avro ilə 5,500 avro arasında (2023) ümumi əmək haqqı (iş vəziyyətindən asılı olaraq) alırlar. W2 və W3 professorları ayda 5,900 avro ilə 8,000 avro arasında maaş alırlar.
https://www.academics.com/guide/professor-salary-germany
Universitet müəlliminin əmək haqqı göstəriciləri:
Average annual salary-orta illik ə/h
Average monthly salary-orta aylıq ə/h
Lowest annual salary- illik ə/h-nın ən aşağı həddi
Lowest monthly salary- aylıq ə/h-nın ən aşağı həddi
Highest annual salary – İllik ə/h-nın ən yuxarı həddi
Highest monthly salary – Aylıq ə/h-nın ən yuxarı həddi
İş təcrübəsinə əsasən, orta illik ə/h:
Təhsil səviyyəsinə əsasən, orta illik ə/h:
İtaliya
Vaxt norması
İllik iş yükü tam ştat işləyən professorlar və tədqiqatçılar üçün (tədqiqat, tədris, təhsil almaq) 1500 saat, müddətli müqavilə ilə işlədikləri halda isə 750 saat müəyyənləşdirilmişdir.
Professorlar hər bir universitet qaydalarında müəyyən edilmiş meyarlara uyğun olaraq tədris fəaliyyətini (rəhbərlik, repetitorluq və qiymətləndirmə daxil olmaqla) həyata keçirməlidirlər; lakin, tam ştatlı professorlar ən azı 350 saat/il,müddətli müqavilə əsasında işləyən professorlar isə ən azı 250 saat/il dərs deməlidirlər.
Tədqiqatçılar ildə 350 saat (tam ştatlı müqavilə) və ya 200 saatlıq (müddətli müqavilə) ilə əlavə tədris fəaliyyəti həyata keçirirlər.
Tam professorun əsas əmək haqqısı dövlət idarəsində A səviyyəli direktorun (məsələn, səfir) maaşı kimi hesablanır. Tam iş günü qrafikini seçənlər əlavə 40% müavinət almaq hüququna malikdirlər. Dosentlərin maaşı tam professorların maaşının 70%-nə bərabərdir.
Hər üç ildən bir professorlar və tədqiqatçılar əmək haqqı cədvəlində artım tələbi ilə birlikdə bütün tədris, tədqiqat və idarəetmə fəaliyyətləri haqqında hesabat təqdim edirlər.
İqtisadi yanaşmaya əsasən, sabit saatla işləyən professorlar üçün ödənişlər minimum 25 və maksimum 100 €/saat arasında müəyyən edilmişdir (Fərman 313/2011).
Tədqiqat müavinətlərinin minimum illik xalis məbləği €19 397 (DM 102/2011) təşkil edir.
https://eurydice.eacea.ec.europa.eu/national-education-systems/italy/conditions-service-academic-staff-working-higher-education
Universitet müəlliminin əmək haqqı göstəriciləri:
Average annual salary-orta illik ə/h
Average monthly salary-orta aylıq ə/h
Lowest annual salary- illik ə/h-nın ən aşağı həddi
Lowest monthly salary- aylıq ə/h-nın ən aşağı həddi
Highest annual salary – İllik ə/h-nın ən yuxarı həddi
Highest monthly salary – Aylıq ə/h-nın ən yuxarı həddi
İş təcrübəsinə əsasən, orta illik ə/h:
Təhsil səviyyəsinə əsasən, orta illik ə/h:
https://worldsalaries.com/average-university-teacher-salary-in-italy/
Qazaxıstan
Vaxt norması
Qazaxıstan Respublikası Təhsil və Elm Nazirinin 25 mart 2021-ci il tarixli əmri ilə ali təhsil müəssisələrində tövsiyə olunan tədris yükü və professor-müəllim heyətinin minimum əmək haqqı göstəriciləri aşağıdakı kimi müəyyən edilib:
Belə ki, professor-müəllim heyətinin əmək haqqı səviyyəsi və tədris yükünün monitorinqinin nəticələrinə əsasən, ali təhsil müəssisələrinin tam ştatlı müəllimlərinin tövsiyə olunan dərs yükü, bir tədris ilində 1 vəzifə üzrə 680 akademik saatdan çox olmayaraq müəyyən edilib. (o cümlədən müəllimin nəzarəti altında tələbənin sərbəst işi).
Bundan əlavə, auditoriya işlərinin həcmi ümumi tədris yükünün 50%-dən az olmamalıdır.
Tam ştatlı professor və müəllimlər üçün vəzifəyə görə tövsiyə olunan minimum əmək haqqı:
müəllim üçün - 200.000 tenge;
baş müəllim üçün - 230.000 tenge;
dosent üçün - 260 000 tenge;
professor üçün - 350 000 tenge;
milli ali təhsil müəssisələrində professor üçün - 400.000 tenge.
1 KZT = 0.0036 AZN
1 AZN = 280.6713 KZT.
Tövsiyə olunur ki, tam ştatda işləyən professor-müəllim heyətinin cari əmək haqqları yuxarıda göstərilən normativdən yüksəkdirsə, onların cari əmək haqqları azaldılmasın.
Ali təhsil müəssisələrinin rəhbərlərindən 2021-ci il sentyabrın 1-dən əmrə əməl etmələri tələb olunmuşdur.
https://www.zakon.kz/redaktsiia-zakonkz/5066164-pedagogicheskuyu-nagruzku-i-zarplaty-v.html
Rusiya
Vaxt norması
Universitet müəlliminin iş saatının müddəti Rusiya Federasiyasının Əmək Məcəlləsinin 333-cü maddəsi və Təhsil və Elm Nazirliyinin əmri ilə müəyyən edilir. Onların məzmunu, dərəcələr, vəzifələr və tədris yükü ilə bağlı əsas məqamlar bunlardır:
Universitetlər Rusiya Federasiyası Təhsil və Elm Nazirliyinin 22 dekabr 2014-cü il tarixli 1601 nömrəli "İş vaxtının müddəti (hər əmək haqqı dərəcəsinə pedaqoji iş saatlarının normaları və əmək müqaviləsində nəzərdə tutulmuş professor-müəllim heyətinin dərs yükünün müəyyən edilməsi qaydası haqqında”) əmri əsasında professor-müəllim heyətinin iş vaxtının miqdarını bölüşdürürlər.
İş saatlarının müddəti
Vəzifəsindən və ya ixtisasından asılı olaraq, professor-müəllim heyətinə aşağıdakı iş vaxtının müddəti və ya əmək haqqı dərəcəsi üzrə pedaqoji iş saatlarının normaları təyin edilir (ali məktəblərin və orta ixtisaslaşdırılmış təhsil müəssisələrinin işçilərinə şamil edilir):
• Həftədə 36 saat:
müəllim heyəti;
təhsil psixoloqları;
istehsalat təlimçiləri;
əmək təlimatçıları;
müəllim-kitabxanaçılar;
metodistlər və baş metodistlər;
ali təhsil müəssisələri istisna olmaqla, repetitorlar;
orta peşə təhsili müəssisələrinin bədən tərbiyəsi rəhbərləri;
həyat təhlükəsizliyi əsasları fənninin müəllimləri və təşkilatçıları;
təlimatçı-metodistlər, baş təlimatçı-metodistlər.
• Həftədə 30 saat:
bədən tərbiyəsi müəllimləri.
• Həftədə 24 saat:
musiqi rəhbərləri və müşayiətçiləri.
• Həftədə 18 saat:
bədən tərbiyəsi və idman sahəsində təhsil proqramları üzrə təlimçi-müəllimlər və baş məşqçi-müəllimlər;
əmək haqqı dərəcəsi üzrə ildə 720 saat tədris işinin normativ saatlarını tətbiq edənlər istisna olmaqla, pedaqoji yönümlü orta peşə təhsili müəssisələrinin müəllimləri.
Müəllimin iş saatına daxildir:
Professor-müəllim heyətinin iş rejiminə təlim-tədris işləri, o cümlədən tələbələrin praktiki hazırlığı və onlarla fərdi iş, elmi, yaradıcılıq və tədqiqat işləri daxildir. Bundan əlavə, müəllim tələbələrlə metodik, hazırlıq, təşkilati fəaliyyət, bədən tərbiyəsinə hazırlıq və sağlamlıq, idman, yaradıcılıq və digər tədbirləri həyata keçirə bilər.
Akademik iş yükü necə müəyyən edilir:
Hər bir professor-müəllim heyətinin akademik iş yükü onun tutduğu vəzifədən, ixtisas səviyyəsindən asılı olaraq müəyyən edilir və professor-müəllim heyətinin vəzifələri üçün müəyyən edilmiş yuxarı həddi aşa bilməz.
Akademik iş yükünün yuxarı həddi.
Tutduğu vəzifədən asılı olaraq professor-müəllim heyətinin akademik iş yükü aşağıdakı hallarda yuxarı həddə məhdudlaşdırılır:
• orta peşə təhsili müəssisələrində əmək haqqı dərəcəsi üzrə tədris işinin normativ saatları ildə 720 saat təşkil edən müəllimlər üçün tədris yükünün yuxarı həddi, tədris ilində 1440 saatdan çox olmayan həcmdə müəyyən edilir;
• ali təhsil müəssisələrində professor-müəllim heyətinin vəzifələri ilə müəyyən edilmiş tədris yükünün yuxarı həddi, tədris ilində 900 saatdan çox olmayan həcmdə müəyyən edilir;
• əlavə olaraq, professional təhsil müəssisələrində - tədris ilində 800 saatdan çox olmayaraq nəzərdə tutulur.
https://lala.lanbook.com/tpost/4yvxz4p1k1-nagruzka-prepodavatelya-vuza-na-stavku
Elmi-tədqiqat üçün ayrılan vaxt norması
Rusiya Elm və Təhsil Nazirliyi, R. E. Alekseyev adına Nijeqorod Dövlət Texniki Universiteti
2023-2024-cü tədris ili üçün professor-müəllim heyətinin yerinə yetirəcəyi pedoqoji yükün həcmi
5. Elmi-tədqiqat işi
5.1 Dövlət büdcəsi tədqiqatları
5.1.1 Dövlət büdcəsi tədqiqatları, o cümlədən, texniki məsələlərin inkişafı (ixtiralar, faydalı modellər, sənaye nümunələri) və kompüter proqramları, verilənlər bazası – 50 saat üçün 100.000 rubl
5.2 Elmi-tədqiqat
5.2.1. Qrantlar, proqramlar və müqavilələr üzrə elmi-tədqiqat işləri – müəllif kollektivi üçün 100 saata 100.000 rubl
5.4 Elmi-işlər
5.4.1. Planlaşdırılmış nəşrlər – 1 çap vərəqinə 70 saat
5.5 Planlaşdırılmış elmi-konfranslarda və seminarlarda iştirak
5.5.1. Planlaşdırılmış tədqiqat işi – 1 çap vərəqi 70 saat
https://www.nntu.ru/frontend/web/ngtu/files/org_structura/upravleniya/umu/docs/norm_docs_ngtu/normy_vremeni_2023_polozhenie.pdf
Əmək haqqları
Universitet müəlliminin əmək haqqı göstəriciləri:
Average annual salary-orta illik ə/h
Average monthly salary-orta aylıq ə/h
Lowest annual salary- illik ə/h-nın ən aşağı həddi
Lowest monthly salary- aylıq ə/h-nın ən aşağı həddi
Highest annual salary – İllik ə/h-nın ən yuxarı həddi
Highest monthly salary – Aylıq ə/h-nın ən yuxarı həddi
1 RUB = 0.0193 AZN
1 AZN = 51.7600 RUB.
İş təcrübəsinə əsasən, orta illik ə/h:
Təhsil səviyyəsinə əsasən, orta illik ə/h:
https://worldsalaries.com/average-university-teacher-salary-in-russia/
Böyük Britaniya
Oxford Brookes University 2023-2024-cü il üçün tədris planı
Vaxt norması
1. Müqavilə məzmunu
1.1 Rəsmi planlaşdırılmış tədris fəaliyyəti həftədə 18 saatdan və ya ildə cəmi 550 saatdan çox olmamalıdır, lakin müəllimlik təhsili, incəsənət, dizayn, ifaçılıq sənəti, musiqi kimi sahələr istisnadır, çünki bu sahələrdə kurikulumun quruluşu və tədris üslubuna əsasən, qeyd etdiyimiz vaxt limitlərinin tətbiqi mümkün deyil.
1.2 Formal planlaşdırılmış tədrisə mühazirələr, məsləhət saatları, seminarlar, praktik məşğələlər, vörkşoplar, laboratoriya işləri, studiya işi, digər rəsmi pedaqoji işlər, layihələrə, dissertasiyalara və ali dərəcələrə birbaşa rəhbərlik daxildir.
1.3 Formal planlaşdırılmış tədrisə qiymətləndirmə, tədqiqat, bilik mübadiləsi, digər elmi fəaliyyət, kurrikulumun hazırlanması, idarəetmə, keyfiyyətin təmin edilməsi fəaliyyəti, komitə işi, tələbələrin qəbulu, yaxud işçilərin inkişafı və təlimi daxil deyil.
1.4 Əgər tədris planına 1.3-cü bənddə sadalanan iş yükləri daxil edilərsə, Universitet ildə şərti 1600 saat vaxt norması qəbul edir.
2. Tarif Çərçivəsi
• Qiymətləndirmə (formativ və summativ, ikiqat qiymətləndirmə) (bakalavr və magistr) - Hər tələbə üçün 0,8, 1,0, 1,2, 1,6 və ya 2,0 saat ayrılması; modulun ölçüsünə və qiymətləndirmə tələblərinin quruluşu və mürəkkəbliyinə görə müəyyənləşdirilir.
• Dissertasiyaya nəzarət:
Bakalavr - 10 saat
Magistr – 15 saat
PhD – Tam ştat işləyən nəzarət komissiyası üçün 75 saat, yarım ştat üçün isə 40 saat
• Proqram rəhbərləri:
Bakalavr: minimum ayrılan vaxt: 320 saat (2 – 4 proqram və təqribən 350 tələbə); maksimum ayrılan vaxt: 480 saat (6 proqram və ya təqribən 1100-dən çox tələbə)
Magistr: minimum vaxt: 200 saat (100-dən az tələbə üçün 1 - 2 proqram); maksimum ayrılan vaxt: 480 saat (3 - 5 proqram və 150-dən çox tələbə)
• Tədqiqat rəhbərləri: 320 saat
• Tələbə müraciətlərinin qəbulu - İş yükünə uyğun olaraq; Dekan tərəfindən müəyyən edilir.
https://www.brookes.ac.uk/getmedia/e181b965-fd35-4062-883c-cf7d7e53d29f/Workload-planning-tariffs-for-2023-24.pdf
Əmək haqqı sistemi
Birləşmiş Krallıqda universitet işçilərinin maaşlarını tənzimləyən vahid milli əmək haqqı sistemi mövcuddur. Rəsmi olaraq “HE Single Pay Spine” (Ali Təhsildə VahidÖdəniş Artımı Mexanizmi) olaraq bilinən maaş mexanizminəali təhsil və əlavə təhsil müəssisələri adından maaşlar, ödəniş strukturu və məşğulluq şərtləri ilə bağlı danışıqlar aparan Universitet və Kollec İttifaqı (UCU) rəhbərlik edir. Ali Təhsildə Vahid Ödəniş Artımı Mexanizmi-Əmək haqqı artımlarının bütün mümkün hallarının, minimum və maksimum səviyyələrini göstərən ödəniş cədvəlidir, xüsusilə dövlət müəssisələrində tətbiq olunur.
Bir işçinin əmək haqqının müəyyən edilməsində bir çox məsələlər nəzərə alınır, lakin ümumiləşdirsək, akademik heyət üzvlərində vəzifə öhdəlikləri, təcrübə və vəzifə (məsələn, müəllim, baş müəllim və ya professor) və müvafiq ödəniş artımı mexanizmi nəzərə alınır.
Qeyd: Ümumiyyətlə, London universitetləri, müəllimlər və professorlar üçün bir qədər yüksək maaşlar təklif edirlər, bu da paytaxtda yaşayış xərclərinin nisbətən yüksək olması ilə əlaqəlidir. Regionda daha çox "London Müavinəti" olaraq adlandırılan bu kompensasiya əsasən, illik 3000 funt-sterlinq həcmindədir.
https://www.discoverphds.com/advice/after/lecturer-and-professor-salaries
https://www.oxfordreference.com/display/10.1093/oi/authority.20110803100312167#:~:text=An%20extended%20series%20of%20pay,as%20health%20and%20local%20government.
Əmək-haqqı göstəriciləri (illik, 2024)
Professor 57,592 funt sterlinq, dosent 56,685 funt sterlinq, dosent 47,587 funt sterlinq, dekan 38,708 funt sterlinq, müəllim 37,514 funt sterlinq
https://uk.talent.com/salary?job=lecturer
ABŞ
Arizona Universiteti 2023-cü il üçün tədris planı hesabatı
Tarixən, ABŞ-ın R1 (Research1-1ci dərəcəli tədqiqat universiteti) ali təhsil müəssisələri, 40% tədris, 40% tədqiqat/elmi/yaradıcılıq fəaliyyəti və 20% xidmət olmaqla, 40-40-20 modeli kimi tanınan iş yükünə əsaslanırlar. Bununla belə, iş yükünün bölüşdürülməsi, müxtəlif iş gözləntilərinə əsasən dəyişə bilər.
Ən yüksək dərs yükü olanlara müəllimlər (83,2%), təlimatçılar (68,8%), təcrübə professorları (68,1%) və klinik professorlar(tibbi) (55,2%) daxildir.
Tədqiqat professorları tədqiqat iş yükünün ən yüksək həcminəmalikdir (62,7%). Ümumiyyətlə, bu pozisiyalar arasında tam qrafiklə işləyən şəxslər az həcmdə inzibati işlərlə də məşğul olurlar.
https://facultyaffairs.arizona.edu/sites/default/files/2023-11/Faculty%20Workload%20Report_11.02.2023.pdf
ABŞ-da PhD, Professor və Postdoc (böyük araşdırma qrupunamentorluq edən tədqiqatçı) maaşları
Bəzi Avropa ölkələrindən fərqli olaraq, ABŞ-da PhD tələbələri üçün minimum əmək haqqı və ya milli əmək haqqı cədvəli yoxdur. PhD tələbələri təhsil aldıqları müəssisədən, təhsil sahəsindən və yaşadıqları yerdən asılı olaraq ildə 15,000 ilə 30,000 dollar arasında maaş alırlar.
ABŞ-da Postdoclar üçün orta əmək haqqı (2023) ildə 61,143 dollardır.
Amerika Universitet Professorları Assosiasiyasının məlumatlarına əsasən, 2021-2022-ci illərdə tam ştatlı müəllim üçün orta əmək haqqı 69,499 dollar, professor assistentləri üçün orta əmək haqqı 85,063 dollar, dosentlər üçün orta əmək haqqı 97,734 dollar, professorlar üçün orta əmək haqqı 143,823 dollar olub.
https://academicpositions.com/career-advice/phd-professor-and-postdoc-salaries-in-the-united-states
Fransa
Ali təhsil müəssisələrində çalışan müəllimlər A kateqoriyalı dövlət qulluqçularıdır və buna görə də bütün dövlət qulluqçularına aid olunan qaydalar, onlara da şamil olunur.
Xarici dil assistentləri və xarici dil müəllimləri: Xarici dil assistentləri tələbələrə hər il 300 saat dərs deyirlər ki, bunun da 100 saatı konsultasiya dərsləri olur. Xarici dil müəllimləri tədrislə bağlı bütün tapşırıqlara cəlb olunurlar. Onların illik dərs yükü 288 saat tədris, 192 saat konsultasiya dərsləri və s. təşkil edir.
Müvəqqəti tədris və tədqiqat assistentləri (ATER) dörd ildən çox olmayan müddətli müqavilə əsasında işə götürülürlər. Namizədlər magistraturanın son ilində oxuyan tələbələr və ya gənc doktorantlardır. Onlar 128 saat dərs, 192 saat konsultasiya dərsləri və ya 288 saat praktika əsasında, yarım və ya tam iş günü işləyə bilərlər.
https://eurydice.eacea.ec.europa.eu/national-education-systems/france/conditions-service-academic-staff-working-higher-education
Elmi-tədqiqat üçün vaxt norması.
Müqaviləli Phd tələbələri müvafiq dissertasiya və tədqiqat bölməsi direktorunun tövsiyəsi əsasında 3 illik müqavilə ilə işə götürülürlər. Müqaviləli PhD tələbəsinin iş yükü yalnız doktorluq dissertasiyası ilə bağlı tədqiqat fəaliyyətləri və ya buna əlavə olaraq digər fəaliyyətləri əhatə edə bilər: Buna həmçinin, tədqiqat nəticələrinin istifadə edilməsi üzrə illik iş yükü maksimum 32 gün olan fəaliyyət aiddir.
Doktoranturaya həvalə edilmiş elmi-tədqiqat fəaliyyətlərinin ümumi müddəti qüvvədə olan illik iş vaxtının altıda birindən çox ola bilməz, bu, 25 Avqust 2000-ci il tarixli Fərmanlamüəyyən edilmişdir.
Bu fərmana əsasən, dövlət idarəetmə orqanlarında, habelə dövlət təhsil müəssisələrində faktiki iş vaxtı həftədə otuz beş saat müəyyən edilir.
İş vaxtının hesablanması, maksimum 1607 saat olan faktiki illik iş norması əsasında həyata keçirilir.
Decree No. 2009-464 of 23 April 2009 on contractual doctoral students in public higher education or research institutions - Légifrance (legifrance.gouv.fr)
https://www.legifrance.gouv.fr/loda/id/JORFTEXT000000208382
Əmək haqqları
Universitet müəlliminin əmək haqqı göstəriciləri:
Average annual salary-orta illik ə/h
Average monthly salary-orta aylıq ə/h
Lowest annual salary- illik ə/h-nın ən aşağı həddi
Lowest monthly salary- aylıq ə/h-nın ən aşağı həddi
Highest annual salary – İllik ə/h-nın ən yuxarı həddi
Highest monthly salary – Aylıq ə/h-nın ən yuxarı həddi
İş təcrübəsinə əsasən, orta illik ə/h:
Təhsil səviyyəsinə əsasən, orta illik ə/h:
https://worldsalaries.com/average-lecturer-salary-in-france/
Dünya təcrübəsində professor və universitet müəllimi arasında fərqlər
1. Müəllim, professordan fərqli olaraq əksər hallarda yarım ştat müqavilə ilə çalışır. Professorlar isə tam ştat müqavilə əsasında fəaliyyət göstərirlər.
2. Universitet müəllimlərinin çoxu öz sahəsi üzrə mütəxəssis ( CEO, konsultant və s.) və ya qurumlarda rəhbər vəzifədə çalışan şəxslərdir. Professorlar isə tamamilə pedoqoji-tədqiqat yönümlü olurlar.
3. Universitet müəllimlərindən fərqli olaraq, professorlar fakültə və ali təhsil müəssisəsinin hər hansı departamenti ilə bağlı mühüm qərarlar verə bilmək səlahiyyətinə sahibdirlər.
4. Professorların bir qismi tədris, digərləri isə sırf tədqiqat yönümlü çalışa bilərlər, universitet müəllimləri isə tam ştatla tədqiqat fokuslu işlərdə çalışmırlar.
5. Professorlardan fərqli olaraq, universitet müəllimlərindən akademik jurnallarda məqalə çap etdirmək tələb olunmur.
https://ca.indeed.com/career-advice/finding-a-job/lecturer-vs-professor
Pəri Allahverdiyeva
