“Vilyarreal”ın yarımmüdafiəçisi Nikita İosifovun karyerasını başqa komandada davam etdirməsi ehtimalı var.
Xarici media bildirir ki, klub onun yerinə təkcə hücumun sol cinahında deyil, həm də qarşı cinahı bağlamağı, meydanın mərkəzində oynamağı bilən “Barselona”nın yarımmüdafiəçisi Fabio Blankonu alır.
22 yaşlı İosifov 2021-ci ilin yayında Moskva “Lokomotiv”indən “Vilyarreal”a keçib. Yarımmüdafiəçi bu mövsüm İspaniya ikinci divizionunda 13 oyuna çıxıb və 1 qol vurub. Tərəflər arasında müqavilə 2026-cı ilin yayına kimi hesablanıb.
