Almaniya prezidenti ukraynalılara müraciət etdi - YENİLƏNİB

access_time25-10-2022, 14:00 visibility13 categoryDünya
Kiyevə səfərə gələn Almaniya prezidenti Frank-Valter Ştaynmayer Ukrayna xalqına müraciət edib. 
Müraciəti prezidentin sözçüsü Kerstin Hammelin “Twitter” səhifəsində paylaşıb. 
Belə ki, o, "Ukrayna xalqına mesajım: Almaniyaya arxalana bilərsiniz! Biz Ukraynanı hərbi, siyasi, maliyyə və humanitar baxımdan dəstəkləməyə davam edəcəyik”, - deyə müraciətində bildirib.  
Ştaynmayer Almaniya vətəndaşlarına da müraciət səslənib:
"Bu müharibənin buradakı (Ukraynada - red.) insanlar üçün nə demək olduğunu heç vaxt unutmayaq. Müharibənin Almaniyada da bizə gətirdiyi bütün yüklərə baxmayaraq, gəlin bir anlıq ukraynalıların gözü ilə baxaq... Biz bilirik ki, onların bizim tam həmrəyliyimizə və dəstəyimizə ehtiyacı var", -  deyə prezident bildirib.
***08:58
Almaniya prezidenti Frank-Valter Ştaynmayer Rusiya-Ukrayna münaqişəsi başlayandan sonra ilk dəfə Kiyevə gedib.
Xarici KİV xəbər verir ki,  dövlət başçısı Ukraynaya qatarla gəlib. Gün ərzində onun həmkarı Volodimir Zelenski ilə görüşü gözlənilir.
Facebook'da Paylaş Telegram'da Paylaş Twitter'da Paylaş Whatsapp'da Paylaş