Rusiyanın tanınmış nüvə alimi mühazirə zamanı vəfat edib

access_time19-10-2022, 15:46 visibility15 categoryDünya
Tanınmış rusiyalı fizik, Rusiya Elmlər Akademiyasının Nüvə Tədqiqatları İnstitutunun baş elmi işçisi, akademik Valeri Rubakov qəfil vəfat edib.
Məlumata görə, o, Nijni Novqorod vilayətinin Sarov şəhərində ezamiyyətdə olarkən dünyasını dəyişib.
“Sarovda idi, mühazirə oxuyurdu... Halı pisləşdi. Sadəcə sözlər kifayət etmir. Çox güclü insan, yaxşı təşkilatçı və prinsipial alim idi”, - deyə Rusiya Elmlər Akademiyasındakı mənbə məlumat verib.
Rusiya Elmlər Akademiyasının Nüvə Tədqiqatları İnstitutunun aparıcı elmi işçisi, jurnalist Boris Ştern də alimin Sarovda halının pisləşdiyini təsdiqləyib.
“Nijniyə aparmaq istədik, amma çatdırmadıq”, - deyə Stern özünün sosial şəbəkə hesabından yazıb.
O da vurğulanır ki, fizik sentyabrda koronovirusdan sağalıbmış.
Qeyd edək ki, Lomonosov adına Moskva Dövlət Universitetinin fizika fakültəsini bitirən Rubakov təhsilini SSRİ Elmlər Akademiyasının Nüvə Tədqiqatları İnstitutunun (NTİ) aspiranturasına daxil olmaqla davam etdirib. 
O, Rusiya Elmlər Akademiyasının Nüvə Tədqiqatları İnstitutunun elmi işlər üzrə direktor müavini (1987-1994), NTİ-nin Baş Tədqiqatçısı (1994), Moskva Dövlət Universitetinin Fizika fakültəsinin hissəciklər fizikası və kosmologiya kafedrasının müdiri olub. 1990-cı ildə SSRİ Elmlər Akademiyasının müxbir üzvü, 1997-ci ildə isə Rusiya Elmlər Akademiyasının həqiqi üzvü seçilib. Rusiya Elmlər Akademiyasının Fizika Elmləri Bölməsinin akademik-katib müavini və nüvə fizikası bölməsinin müdiri olub. Həmçinin, “Uspexi fiziçeskix nauk” (“Fizika elmlərində nailiyyətlər”) jurnalının baş redaktoru , “Teoretiçeskaya i matematiçeskaya fizika” (“Nəzəri və riyazi fizika”) jurnalının redaksiya heyətinin üzvü olub. 
Facebook'da Paylaş Telegram'da Paylaş Twitter'da Paylaş Whatsapp'da Paylaş